بفتكرك،،،،،
يا غايبه وعايشه جوايا
ياريتك ياما سمعانى
ضناكى يا حته من قلبي
بعدك فى الدنيا بيعانى
بقيت تايه وانا ياما
فى وسط الخاله والعمه
غريب ياما بضيع ياما
محتاج لعنيكى ترعانى
ياريتك ياما سمعانى
،،،،،،،،
فى يوم عيدك باغنيلك
وبكتب لك واناديلك
وبترحم فى كل صلاه
على روحك وبدعيلك
يتيم ياما بقول الاه
ولا يعلم بى غير الله
ولو بإيديه يا امى
لأسيب الدنيا واجيلك
بقيت تايه وانا ياما
فى وسط الخاله والعمه
غريب ياما بضيع ياما
محتاج لعنيكى ترعانى
ياريتك ياما سمعانى
،،،،،،،
وبفتكرك يا نبع حنان
اشوف الخير فى كل مكان
اغمض عيني على صورتك
احس براحه واطمئنان
وافتح عينى من تانى
تضيع الصوره فى ثوانى
والاقى الخطوة وخدانى
فى اخر مرسي للإنسان
اقضى ساعات اقول ياما
ماليش بعدك حبيب ياما
غريب ياما بضيع ياما
محتاج لعنيكى ترعانى

ياريتك ياما سمعانى
كلمات / سيدسعيد