مافيش رئيس مش عايز يخدم بلده لكن عدد الناس بتخليه يخرج عن وعيه.

نفسه يخدم الفقير ويداوي جروحه وألمه لكن إزاي والكل عايز راحته.

تعليم وصحه وجواز ويكون له شقه ملكه والوزاره تكون تحت أمره.

الكل عايز الحاجه ببلاش كهربا ومايه وغاز طب مين هايدفع تمنه.

هو عارف نتيجة إهماله وان ربنا شايفه وهايجي ف يوم ويحاسبه

والكل نازل خلفه ع ودنه وكمان مش عاجبه وعايز كل حاجه تكون تحت أمره وملكه

كل بيت فيه ست بنات والراجل مش راحم نفسه قال ايه نفسه ف الواد عشان يحمل إسمه.

انا لا معاه ولا ف صفه بقول كلمة حق وياريت ندعيله وبلاش نقف ضدده

مايقدرش يتحمل المسؤليه لوحده لازم نحافظ ع بلدنا وف الحقيقه له عذره.

انا مش بدافع عنه لكن نفهم عشان نعرف نتكلم ونقدر مجهوده وتعبه.

عددنا كتير والكل عايز مصلحته يربي ويعلم وبجوز بنته .

ويعيش حياته وماحدش يجادله وياخد مركزه ويحسن دايما من وضعه.

مايقدرش ياخد من الغني عشان دا حقه و بتاعه وملكه وتعب سنين عشان يثبت نفسه ويحقق حلمه.

حتى لو حرامي له رب يحاسبه عن ماله وعمره وكل واحد مسؤل عن نفسه ولو زعلان إعمل زيه.

شوف الناس من بعيد هاتلاقي ملايين ماسكه طوقه وعايزه تفترسه.

عشان كده لازم نهدى ومسير ربنا يفرجها من عنده وكل واحد بياخد ع قد نيته وعمله وله رزق وربنا كاتبه.

وان كان ع الجيش أهو من بلده مش هولندي ولا تركي ولا غريب عنه عشان يدافع عن أرضه.

دا ابن عمي وابن خالي والكل بيضحي بعمره وشايل كفنه

عشان يدافع عن عرضه وشرفه ويسعد أهله ويرفع رأية بلده

وماحدش هاياخد أكتر من رزقه وكل شئ ربنا ذكره وعارف أخره

احنا بنتكلم عشان قاعدين ف بيوتنا والمروحه فوق روسنا لكن مانعرفش يعني ايه حاكم دوله وكل واحد عجبه عقله...

الشاعر طاهرمختار عتيت

شاعر العصر..

.تحيا مصر

طنطا....كفر الزيات....اكوه الحصه