لما إتسرعنا وإندافعنا وخالفنا وعودنا وسمعنا كلام أهالينا وصحابنا.

ودوسنا ع قلوبنا ولغينا شخصيتنا ومشينا ورا اهالينا النتيجه ف النهايه عشنا مع ناس كانت سبب ف نزول دموعنا.

ومش حاسين معاهم بالفرحه وعايشين حياتنا وكل يوم مشكله بتواجهنا.

كان فيها إيه لو حكمنا عقولنا وضمايرنا وفضلنا الحب آللي نابع من قلوبنا مع ناس كانت تحبنا وتعشقنا

كنا هانحافظ ع بيوتنا والسعاده تكون من نصيبنا والبسمه مش هاتفرق وجوهنا

لكن أخطأنا ودلوقت بنندم لما بنشوفهم قدامنا والدمع يملى عيونا

ومهما طال العمر عمرنا ف يوم ما هننسي أجمل سنين حياتنا لكن عشان سمعنا لغيرنا النتيجه اننا إفترقنا.

وبسبب تسرعنا وإندفعنا نهبنا وسرقنا وزورنا عشان نحسن من وضعنا وكيانا بهدف نحقق أحلامنا ونسعد أولادنا.

لكن النتيجه إننا إنسجنا وإنكشفت لعبتنا وإنحكم علينا وأصبحت قضيه ونزلنا من نظر الكل حتى آللي ربونا وتعبوا عشانا.

كان لازم نحمد آللي خلقنا حتى لو قليل لكن كان هايسعدنا ويريح قلوبنا وأعصابنا لكن دي كانت النتيجة وهو دا سر فشلنا.

وبسب تسرعنا وإندفعنا دافعنا عن الباطل وقولنا هاينفعنا وف الأساس كان دافع لانفصالنا وتشويه سمعتنا وشرفنا.

عشان ست منحله لفتت نظرنا عشنا دور الشهامه ووقت الجد انتهت بقضيه وأصبحت بصمه ف سجل أعمالنا.

كان لازم نراعي شعور غيرنا ونفكر ف مستقبلنا ونعيش حياتنا بما يرضي الله والناس آللي بتقوم بخدمتنا.

يارب توب علينا وسامحنا ان كنا أخطأنا وإجعل الايمان داخل قلوبنا يسعدنا ويريح أعصابنا

ونور عقولنا وخلي الحب والخير دايما مأذرنا وإجعلنا عظه وعبره لغيرنا

شاعر العصر صاحب كلمه لها مضمون ومعنى يفيدنا و ينفعنا بقصيده جميله تنال إعجابنا

وتحسن دايما من أخلاقنا وتذكرنا باللي خلقنا وداوي همومنا و أوجاعنا ويرسم السعادة داخل قلوبنا....

الشاعر طاهر مختار عتيت

شاعر العصر...

تحيا مصر

كفر الزيات... اكوه الحصه